کورونا نا توننگ کن غٹ وسیلہ غاتے کاریم اٹ اتنگ اٹی اُن، جام کمال خان

0

Get real time updates directly on you device, subscribe now.

کوئٹہ :  وزیراعلیٰ بلوچستان جام کمال خان نا کماشی ٹی سے شنبے نادے آ کرونانا حالیت و ایلو تعلقدار باندات آتا جاچ ءِ ہلنگ کن اڈ ہلوک آ بڑزکو کہولی دیوان ءِ معلومدار کننگاکہ حکومتی کوشست آتیٹ ڈاکٹر و ہسپتال آتا اسہ تُو انا گرج آتا رداٹ پی پی ای کٹ، ماسک و ایلو رکھی گڑاک تننگانو۔ ہرادے ایس او پی نا رداٹ ڈاکٹر و ہسپتال آتے پدریسہ فراوان کننگک، دیوان اٹی ہسپتال آتا گائنی واڑدز اکن ہم پی پی ای کٹس وایلو المی آ ازباب آتا فراوانی ءِ پک کننگ نا فیصلہ ءِ کننگا۔ دیوان اٹی تربت، ژوب، نصیر آباد، و خضدار اٹی کوروناوائرس نا ٹیسٹ اکن پی سی آر مشین فراوان کننگ نا فیصلہ ءِ ہم کننگا۔وخت اس کہ کوئٹہ ٹی پین پی سی آر مشین فراوان کرسا ٹیسٹنگ نا کچ ءِ ودفنگ نا منظوری ءِ تننگا۔ وزیراعلیٰ داوخت آ گپ وتران کرسا پارے کہ حکومت کوروناوائرس نا توننگ کن غٹ وسیلہ غاتے کاریم اٹ اتنگ ءِ۔ فرنٹ لائن آ کاریم کروک آ ڈاکٹر و پیرامیڈیکل اسٹاف نا رکھ ننا اولیت ءِ و اوفتے پی پی ای کٹس انا فراوانی ءِ پک کننگانے۔

(اے پی پی)

Get real time updates directly on you device, subscribe now.

Leave A Reply

Your email address will not be published.