درخت تخنگ صدقہ جاریہ ءِ‘ فارسٹ آفیسر پنجگور عبدالعزیز

پنجگور: مچ آ ملک انا وڑ پنجگور اٹ محکمہ جنگلات نا کنڈآن ہتم نا مد انا شجر کاری مہم نا بنا ءِ کننگا۔ شجر کاری مہم ڈویژنل فارسٹ آفیسر عبدالعزیز نا پارت آ ڈسٹرکٹ پولیس آفیس اٹ ایس پی عنایت اللہ بنگلزئی تینا دوٹی آفیس اٹ اسہ درخت اس خلسا شجر کاری مہم نا بنا ءِ کرے۔ او وخت آ محکمہ جنگلات نا اسسٹنٹ عادل ارباب خدائے نظر دہوار محمد عیسی امان جان محمد انور پزیر احمد غلام سرور و پولیس نا شبیر احمد و ایلوفتون اوار آفیس نا جتاجتا ہند آتیا درخت خلکر۔ او وخت آ ایس پی عنایت اللہ بنگلزئی پارینے کہ درخت خلنگ صدقہِ جاریہ ءِ ہر مسلم ءِ اسٹ اسٹ آ درخت خلسا دا صدقہِ جاریہ ءِ برجا تخنگے درخت نہ بیرہ نما ہیب کیب نا زیبائی نا سوب مننگ کیرہ وخت اس کہ نما فضائی آلودگی ءِ کنٹرول کننگ نا جوان ءُ وڑ اسے۔ فضائی آلودگی آن جتاجتا ناجوڑی تا تالانی نا خلیس ارے۔

(آن لائن)