خضدار و لسبیلہ ٹی 2 جتا جتا روڈ شکست آتیٹی 2 بندغ زوال

کوئٹہ: خضدار و لسبیلہ ٹی 2 جتا جتا شکست آتیٹی چنا تتون اوار 2 بندغ زوال وخت اس کہ 8 بندغ ٹھپی مسر۔ حوال نا رداٹ تدوک آ دے خضدار اٹ ترند ءُ ٹریکٹر اس غلامانی چوک نا ماس آ ورنا اسے ٹی لگا وخت اس کہ ورنا جاگہ غا زوال مس۔ ہندن لسبیلہ نا علاقہ رانا بھٹ نا ہند آ ترند ہنوک ءُ کوچ و کار اس ڈوک لگار ہراٹی 9سال نا چناس و 8مسافر ٹھپی مسر۔ شکست نا ڈس ملنگ تون ہندی انتظامیہ موقع غا سر مرسا لاش و ٹھپی تے ہسپتال آ گدریفے۔ لاش ءِ المی کارروائی آن پد وارث آتا دوٹی تننگا۔ مستی کارروائی ہندی انتظامیہ کننگ اٹی ءِ۔

(آن لائن)