نمبرون ٹینس سٹار نواک جوکووچ یو ایس اوپن اٹ بشخ ہلنگ نا پڑو کرے

نیویارک (مانیٹرنگ ڈیسک) کورونا وائرس نا گواچی نمبر ون ٹینس سٹار نواک جوکووچ یو ایس اوپن اٹ بشخ ہلنگ نا پڑو کرینے۔ نیویارک نا بلیو ٹینس کورٹ آ شیڈول میگا ایونٹ اٹ بشخ ہلنگ نا بابت اٹ نواک جوکووچ نا انٹری شکبر ئس۔ کورونا نا دے تیٹی تینا ڈیہہ آ ٹورنامنٹ گوازی کننگ و بے پام نا سوب آن ہرا کووچ تون اوار گوازی گر وائرس نا گواچی مسوسُس۔ جان ءِ ہلوک آ ناجوڑی ءِ بے سہب کننگ کن سربین سٹار گرینڈ سلیم اٹ دبنگ انٹری شاغنگ ءِ پک کرینے۔ یات سلے کہ جہانی نمبر ون نواک جوکووچ 2018ء ٹی یو ایس اوپن نا ٹائٹل کٹاسُس۔ یات سلے کہ نواک جوکووچ 2 جولائی تینا اسہ بیان اسے ٹی پاریسُس کہ جون نا گڈ سر اٹ اڈریہ ٹور ٹی کورونا وائرس ٹیسٹ انا مثبت بننگ نا منہ دے آن پد او کنا زئیفہ جیلینا ایس او پی تیا عمل کرسا ولدا کورونا وائرس ٹیسٹ کریفیسُس ہرانا رپورٹ منفی بسوسُس۔ او پارینے کہ نن ہڑتوم آک کروشیا تون بلغراد پدی بننگ آن پد تینے جتا کریسُس۔ ہراڑے ٹورنامنٹ نا ارٹمیکو مرحلہ اڈ ہلکوسُس۔ ایونٹ آن پد نوویک جوکووچ، گریگر دیمیتروف، بورنا کورک و وکٹر ٹرو نا ہر چار آ گوازی گرک کورونا وائرس اٹ اختہ مسوسُر او اوفتا ٹیسٹ مثبت بسوسُس انتئے کہ او ہند ایونٹس ٹی معاشرتی و راجی فاصلہ غاتا ہم خیال ءِ کتویسُس وخت اس کہ ایونٹس نا دے تیٹی سٹینڈ آک شیدائی تیان پُر ئسر۔ یات سلے نواک جوکووچ نا کوچ گوران ایوینیسیچ نا ہم کوویڈ۔19 ٹیسٹ مثبت بسوُس۔ بلغراد اٹ مروک آ ٹینس ایونٹ نا اولیکو مرحلہ نا ہفتہ نا دے تیٹی گوازی گرک میچ انا ایسری آن پد نیٹ آ اسہ ایلو تون ملارہ، باسکٹ بال گوازی کریر و داتسکان کہ نائٹ کلب اٹ ڈانس ہم کرے۔