یورپا فٹ بال کپ نا سیمی فائنل مرحلہ 17 اگست آن بنا مریک

برلن (مانیٹرنگ ڈیسک) یورپا فٹ بال کپ نا سیمی فائنل مرحلہ 17 اگست آن جرمنی ٹی بنا مریک۔ ٹورنامنٹ نا سیمی فائنل لائن اپ پورو مسنے۔ سیویلا، مانچسٹر یونائیٹڈ، انٹر میلان و شخٹر ڈونیٹسک نا ٹیمک ٹاپ فور راؤنڈ اٹ سر مسنو۔ یورپا فٹ بال کپ نا 49 میکو ایڈیشن سیمی فائنل راؤنڈ اٹ پترینگانے او سیویلا، مانچسٹر یونائیٹڈ، انٹر میلان و شخٹر ڈونیٹسک نا ٹیمک ٹاپ فور راؤنڈ اٹ سرمسنو۔ ٹاپ فور مرحلہ ٹی سر مروک آ ٹیم تا نیام اٹ ٹورنامنٹ نا سیمی فائنل مرحلہ 17 اگست آن شروع مریک او 18 اگست آ ایسر مریک۔ ٹورنامنٹ نا اولیکو سیمی فائنل میچ سیویلا و مانچسٹر یونائیٹڈ نا ٹیم تا نیام اٹ گوازی کننگک وخت اس کہ ارٹمیکو و گڈیکو سیمی فائنل میچ اٹ انٹر میلان و شخٹر ڈونیٹسک نا ٹیمک مون مقابل مریرہ۔ یات سلے کہ ٹورنامنٹ نا ارا فائنلسٹ ٹیم تا نیام اٹ فائنل میچ 22 اگست آ جرمنی ٹی گوازی کننگک۔