حضرت ابراہیم ؑ نا بی بی حاجرہ و حضرت اسماعیل ؑ ءِ مکہ ٹی اِلّنگ  2

حالت اوڑے اسماعیل ؑ نا مس ملاسی آن خراب

بی بی اوڑے بیقرار ئس مڷ تے ئسک ہم عذاب

دا مَش آ لگا کہ وار اس وا خنو سُس اے مَش آ

نیام اٹی تا بسکہ او رُم کریکہ ہر کَش آ

ہفت چکر خلک بی بی بن صفا و مروہ غان

نا اومیت اَلّو پدا ہم او خدا نا درگہ غان

رحمت باری ہموتم جوش اٹی ولدا کہ بس

حاجرہ نا دا ادا غان زات باری خوش مس

حکم تِس دِیر ءِ روان مر اسماعیل ؑ نا نت جہ آن

خلککہ نت تے ہراڑے بینگُنی آن او ؑ زمان

بس بی بی اسماعیل ؑ آ او خنا دِیر ءِ روان

شُکر کشّا پارے اللہ اخّہ نی اُس مہربان

زم زم پارے دادے مسخت نی روان آ دِیر سلہ

کنتو اسماعیل ؑءِ افک زات باری آن گلہ

او غفور ءِ او رحیم ءِ او نگہبان کُل انا

ای و مڷ کَن اوڑ کن قربان پُہہ ءِ اُست آن کل انا

دِیر زم زم مَس وسیلہ مکہ ُدن مشہور مس

ابراہیم ؑ نا نسل نبی تا بیخ و بُن مشہور مس

مُست حجاز شام و یمن نا نیام اٹی ویرانہ ئس

داسہ مکہ کاروان تا ہَند و ہنکین جاگہ ئس

شام و مصر آن وخت و وخت اس ابراہیم ؑ دانگ بسّکہ

بی بی و مار ءِ تینا کہ او نصیحت تِسّکہ

ہفتئی تلار

تاک: 30

01-08 August 2020

پنہ : 04