بھارت آن ٹی 20 ورلڈکپ 2021ء نا مہمانداری ءِ پُلنگ نا گمان

0

Get real time updates directly on you device, subscribe now.

لاہور(مانیٹرنگ ڈیسک) بھارت آن ٹی ٹوئنٹی ورلڈکپ 2021ء نا مہمانداری ءِ پُلنگ نا گمان ودی مسنے۔ کورونا کیس آتا ودنگ نا حالیت اٹ میگا ایونٹ نا مہمانداری متحدہ عرب امارات یا سری لنکا ءِ رسینگک۔ کرونا وائرس نا کاختی نا سوب آن بھارت اٹ ٹی ٹونٹی ورلڈ کپ 2021ء مفننگ نا سوب آن دانا مہمانداری سری لنکا یا متحدہ عرب امارات ءِ تننگک۔ آئی سی سی مون آ ہفتہ ٹی پک کریسُس کہ ہندوستان بروک آ سال ٹورنامنٹ نا مہمانداری ءِ کیک وخت اس کہ اینخو ملتوی مروک آ ٹی ٹونٹی ورلڈ کپ نا مہماندار آسٹریلیا 2022ء اٹ مہماندار مریک، ہندوستان 2023ء ٹی 50 اوور نا ورلڈ کپ نا مہماندار ہم ارے۔ بھارت کورونا وائرس آن زہمی مروک آ ملک آتیٹی ایشیاء ٹی کل آن مون آٹے و مچ آ دنیا ٹی امریکہ و برازیل آن پد مسٹمیکو پوزیشن آ ساڑی ءِ۔ بھارت اٹ فی الحال 661،274 فعال کیس اریر وخت اس کہ کیس آتا کل کچ 2،434،853 اسکان سر مسنے و کہنگ نا کچ 47،542 مسنے۔ ساڑی حالیت آک بی سی سی آئی ءِ آئی پی ایل ءِ متحدہ عرب امارات آ گدریفنگ آ مجبور کرینے و ڈومیسٹک سیزن نا بارواٹ اہم سوچ کننگ انگ ءِ۔

Get real time updates directly on you device, subscribe now.

Leave A Reply

Your email address will not be published.