افسر تا زمواری تا بابت ہچ ءُُ ڈیوالئی اس سگپنہ‘ حافظ قاسم

زیارت: ڈپٹی کمشنر زیارت حافظ محمد قاسم نا کماشی ٹی ضلع زیارت نا کل محکمہ غاتا افسر تا ستائی دیوان اس اڈ ہلک دیوان اٹ ڈسٹرکٹ پولیس آفیسر اختر اچکزئی و ایلو افسرک بشخ ہلکر۔ دیوان اٹ محکمہ غاتا افسرک ڈپٹی کمشنر زیارت ءِ محکمانہ بریفنگ تسر۔ ڈپٹی کمشنر زیارت حافظ محمد قاسم دیوان آن تران کرسا پارینے کہ افسرک قوم انا خادم مرسا کاریم کیر افسرک دفتر تتون فیلڈ اٹ ہم ہنسا اُلس نا ویل آتے معلوم کرسا اوفتے ایسر کیر۔ اُلسی خدمت ءِ تینا کاریم اس جوڑ کرسا کاریم کیر اُلس ءِ ہچ ءُُ وڑ اسے نا غاو اسے نا وارخواہی تننگپ۔ کل افسرک اسہ ایلو تون رابطہ کیر اُلس نا ویل آتے جوان بنداو آ ایسر کیر۔ افسرک تینا زمواری تے پورو کیر دا بابت اٹ ہچ ءُُ ڈیوالئی اس سگپنہ۔ او پارینے کل افسر تتون اوار کانہ و اُلس نا خدمت کن جوان گام گیج کننگک۔

(خ ن)