ژوب کینٹ آ جلہو نا مذمتء ِ کینہ‘ مٹھا خان کاکڑ
ژوب: صوبائی سلاہکار شینکاری بلوچستان مٹھا خان کاکڑ پارینے کہ ژوب ڈویژن اسہ پرامن ءُُ علاقہ اسے۔ و دا جاگہ نا اُلس دہشت گردی نا برخلاف ءِ و ہر وخت تینا علاقہ ءِ پرامن تخانے تدوک آ دے ژوب کینٹ آ دہشت گرد آتا جلہو نا مذمت ءِ کینہ و دا جلہو اٹ شہید مروک آتیکن دعا کینہ۔ کہ اللہ تعالی اوفتا مغفرت ءِ کے و جنت الفردوس اٹ بھلو ہند اس ایتے۔ وخت اس کہ دا واقعہ ٹی ٹھپی مروک آ سویلین و سیکورٹی کارندہ غاتے اللہ تعالی زوت اس جان دراخی عطا فرمائفے۔ مٹھا خان کاکڑ پارینے کہ ژوب اٹ دہشت گردی نا ودوک آ واقعہ غاتا توننگ المی ءِ و دا بابت اٹ او وزیراعلی بلوچستان و وزارت داخلہ نا نوٹس اٹ ہم دا ہیت ءِ ایسنے۔ جماعت اسلامی نا کماش سراج الحق نا قافلہ غا خودکش جلہو و عئید انا وخت آ دھانہ سر نا علاقہ ٹی پولیس چوکی آ دہشت گرد آتا جلہو ہراٹی مسہ پولیس والا شہید مسوسر و تدوک آ دے ژوب کینٹ آ جلہو دا دہشت گردی ءِ نن تینا پرامن آ علاقہ ٹی سگپنہ۔
(آ ن لائن)