انٹرنیشنل بلیئرڈ اینڈ سنوکر فیڈریشن نا ٹیلی کانفرنس‘ عالمگیر شیخ ہم بشخ ہلک
Get real time updates directly on you device, subscribe now.
اسلام آباد (مانیٹرنگ ڈیسک) انٹرنیشنل بلیئرڈ اینڈ سنوکر فیڈریشن نا ٹیلی کانفرنس تدوک آ دے اڈ ہلک۔ ایشیئن کنفڈریشن بلیئرڈ اینڈ سپورٹس نا سینئر نائب صدر عالمگیر شیخ ہم ٹیلی کانفرنس اٹ بشخ ہلک۔ قطر اینخو نومبر دسمبر اٹ کیہی انٹرنیشنل ایونٹ آتا مہمانداری ءِ کیک۔ ورلڈ سنوکر مینز ویمنز و ماسٹر چمپئن شپ اینخو نومبر دسمبر اٹ دوحہ ٹی مریک۔ ورلڈ بلیئرڈ چمپئن شپ نا مہمانداری ءِ ہم قطر کیک۔ آئی بی ایس ایف ٹیم و سکس ریڈ بال چمپئن شپ دبئی آن قطر آ گدریفنگانے۔ قطر اینخو ورلڈ انڈر 18 و ورلڈ انڈر 21 نا ہم مہمانداری ءِ کیک۔ اینخو نومبر دسمبر اٹ آئی بی ایس ایف نا جنرل کونسل نا دیوان مریک۔ دیوان آن پد آئی بی ایس ایف نا گچین کاری 2020ء ہم مریک۔ سال آ ورلڈ انڈر 18 و ورلڈ انڈر 21 نا مہمانداری نا سلاہ ءِ آسٹریلیا روس خلکنو۔ آئی بی ایس ایف نا بروک آ ٹیلی کانفرنس 15 اگست آ مریک۔