میر ضیاءاللہ لانگو نا خصوصی فنڈ آن قلات سٹی نا روڈ آتا کاریم برجاءِ‘محمدنورفاروقی
Get real time updates directly on you device, subscribe now.
قلات (فیض نیچاری) بلوچستان عوامی پارٹی قلات نا سینئر راہشون محمد نور فاروقی‘ رئیس محمد بخش علیزئی‘ حافظ سعیداحمد عمرانی وایلوفک پارینو کہ صوبائی وزیر داخلہ میر ضیاءاللہ لانگو نا خصوصی فنڈ آن قلات سٹی نا روڈ آتا کاریم برجاءِ‘ قلات سٹی نا روڈ آتا تعمیر وزیبائی آن ہراڑے شار انا زیبائی ودانے ہموڑے شاری تے جوان سفری آسراتی ہم دوئی مننگ ءِ‘ میر ضیاءاللہ لانگو گچین کاری حلقہ ٹی شونداری ناہرا کاریم نابناءِ کرینے او تینا منزل ناکنڈآ روان ءِ‘ چنکو وخت اسے ٹی روڈآتا تعمیر‘ اسٹیڈیم و واٹر سپلائی خلنگ‘ تعلیم وایلو بشخ آتے ٹی شونداری کاریم تا سوب آن قلات بلوچستان نا شون ہلوک ضلع غاتے ٹی حساب مننگ اٹی ءِ‘ داکان بیدس میرضیاءاللہ لانگو امن وایمنی نا بابت ہرا گام گیج آتے کرینے او ہم کل انا مون آٹو۔