وزیر اعظم عمران خان پگہ 2 دے ئی دورہ غا کراچی آ کاہک
Get real time updates directly on you device, subscribe now.
اسلام آباد : وزیر اعظم عمران خان پگہ 2 دے ئی دورہ غا کراچی آ کاہک، وزیراعظم وزیراعلیٰ سندھ مرادعلی شاہ و گورنر تون اوڑدہی کیک، و بڑزکو کہولی دیوان تا کماشی ءِ کیک۔ چار شنبے نا دے لاڑکانہ نا ہم دورہ ءِ کیک۔ سرجم حوال آتا رد اٹ وزیراعظم پگہ سَے شنبے نا دے اِرا دے ئی دورہ غا کراچی آ کاہک۔ اوڑے او کورونا وائرس نا بابت دیوان نا کماشی ءِ کیک، وزیر اعظم تون گورنر سندھ عمران اسماعیل و وزیراعلیٰ سندھ سید مراد علی شاہ اسک اوڑدہی کیرہ، وخت اس کہ وزیراعظم پوریاگر تا ڈَل اسے تون ہم اوڑدہی کیک، بجٹ نا بابت اوفتا پت ءِ دوئی کیک۔ وزیراعظم عمران خان ایم کیو ایم، جی ڈی پی و تحریک انصاف کراچی نا راہشون تتون ہم اوڑدہی کیک۔ وزیراعظم عمران خان چار شنبے نادے لاڑکانہ نا منہ ہسپتال اسے نا دورہ ءِ ہم کیک۔
(آن لائن)