نیب انا سلمان شہباز ءِ انٹرپول نا کمک اٹ بٹنگ نا فیصلہ
لاہور : قومی احتساب بےور (نیب) سلمان شہباز ءِ انٹرپول نا کمک اٹ برطانیہ غان پدی اتنگ نا فیصلہ کرینے، نیب ترجمان نا رد اٹ سلمان شہباز، شریف خاہوت نا برخلاف منی لانڈرنگ کیس اٹی اشتہاری و نروک ءِ۔ قومی احتساب بیورو پیشن ملک نروک آ دوبہ دار آتا پدی اتنگ کن اوفتے گھیڑ کرینے۔ شریف خاہوت نا منی لانڈرنگ کیس اٹی زموار دوبہ دار سلمان شہباز ءِ پدی اتسا کانود نا مون آ پیش کننگک۔ نیب ترجمان پارے کہ سلمان شہباز شریف خاہوت نا برخلاف منی لانڈرنگ کیس اٹی اشتہاری و نروک ءِ۔ سلمان شہباز نا ناقابل ضمانت وارنٹ ہم جاری مسنے، نیب سلمان شہباز نا پدی اتنگ کن برطانوی نیشنل کرائم ایجنسی آن خواست کیک، و خواست کننگک کہ سلمان شہباز ءِ برطانوی نا رد اٹ انٹرپول نا کمک اٹ ڈیپورٹ کننگے۔
(آن لائن)