وزیراعظم پاکستان نیوی نا کنڈ آن برجا جہانی اسیجائی بحری مشق آتے ہُرا
Get real time updates directly on you device, subscribe now.
اسلام آباد : بنجائی وزیر حوالکاری و شینکاری مریم اورنگزیب پارینے کہ وزیراعظم محمد شہباز شریف اسہ دے ئی دورہ غا کراچی آ ہنا، ہراڑے او پاکستان نیوی نا کنڈ آن برجا جہانی اسیجائی بحری مشق آتا معائنہ ءِ کرے۔ سے شنبے نادے آ تینا ٹویٹ اٹی بنجائی وزیر حوالکاری پارے کہ اسیجائی بحری مشق آتیٹی 50 آن زیات ملک آتا بحری فوج آتا دستہ غاک بشخ ہلنگ اٹی ءُ۔ اوپارے کہ 2 سال آن پد اڈ ہلوک آ دا مشق آتا بنداوی مسخت سمندری قزاق، دہشت گرد، منشیات و سلہہ اسمگلر آتا برخلاف گچین اسیجائی حکمت عملی اس وضع کننگ ءِ۔ مریم اورنگزیب پارے کہ وزیراعظم بحری قزاق آتا برخلاف اسیجائی کارروائی ءِ ہُننگ آن بیدس ایلو بحری مشق و کسبی مہارت آتا مشاہدہ ءِ ہم کرے۔
(اے پی پی)