صوبائی حکومت گوادر نا شونداری و شونہالی ءِ اولیت ایتک‘ فرح عظیم شاہ
Get real time updates directly on you device, subscribe now.
کوئٹہ : ترجمان حکومت بلوچستان گودی فرح عظیم شاہ پارینے کہ گوادر نا شونداری و شونہالی اُلس نا حق آتا رکھ و ماہی گیر آتا مفادات و حق آتا رکھ ءِ ساڑی صوبائی حکومت نا اولیت ایتک۔ گوادر شار انا جوان محل وقوع و پوسکن آ گوادر بندرگاہ نا اہمیت و افادیت نا سوب آن گوادر جہانی کہول آ اُلس ہسونی نا ہند اسے۔ وزیر اعلیٰ بلوچستان میر عبدالقدوس بزنجو گوادر نا شونداری و شونہالی کن اہم ءُ گام گیج کرینے ہرافتیٹی ماہی گیر آتے لیبر نا درجہ تننگ و اوفتیکن رہنگوک ءُ کالونی نا ڈٹ انا منظوری آنبار انگا اہم ءُ گام گیج اوار ءُ۔ غیر کانودی ٹرالنگ ءِ توننگ و غیر کانودی ٹرالنگ اٹ اختہ انگا بندغ آتا برخلاف کانودی کارروائی کن پارت تسنے۔ ہراڑا عملدرآمد کننگ اٹی ءِ۔ ترجمان صوبائی حکومت فرح عظیم شاہ پارینے کہ گوادر نا شونداری و شونہالی کن کل اسٹیک ہولڈر آک جوان کڑد ادا کننگ اٹی ءُ۔
(خ ن)