درخت تخنگ نا سوچ انا ودفنگ کن کل ءِ کڑد ادا کروئی تمک‘ ڈی سی خضدار
Get real time updates directly on you device, subscribe now.
خضدار: ڈپٹی کمشنر خضدار میجر ریٹائرد محمد الیاس کبزئی پارینے کہ ہتم نا مد بننگ اٹی ءِ، داوڑ نا وخت آ درخت تخنگ نا سوچ و اُلسی شعور ءِ ودفنگ کن تپہ غاتے کڑد ادا کروئی تمک۔ ہندا منہ سال اٹ کلائمیٹ چینچ انا سوب آن درخت خلنگ نا گرج پیں زیات ودانے۔ ہندا سوب آن خضدار اٹ رہنگوک آ ہر شاری تینا اُرا و ہیب کیب اٹ درخت خلسا دا قومی مہم اٹ جوان بشخ ہلے۔ دا خیال آتا درشانی ءِ او ڈی سی آفس خضدار نا ہیب کیب اٹ نرسری نا بنا نا وخت آ تینا خیال آتا درشانی ءِ کرسا کرے۔ ڈی سی آفس خضدار نا ہیب کیب اٹ جوڑ مروک آ نرسری ٹی جتا جتا وڑ انا پُل انا درخت آتے تخانے۔ و شاری تیکن بارعایت نہاد آ دوئی ءِ۔ نرسری نا بنائی دود انا وخت آ اسسٹنٹ کمشنر خضدار محمد جان جمالدینی اے ڈی سی خضدار سراج بلوچ پی ایس ٹو ڈی سی مراد گزوزئی عبدالسلام زہری عبدالنبی و ایلوفک ساڑی ئسر۔ ڈپٹی کمشنر خضدار میجر ریٹائرڈمحمد الیاس کبزئی نا پاننگ ئس کہ درخت خلنگ نا فضیلت ہم ارے و بے کچ فائدہ ہم ارے۔
(خ ن)