لس گچین کاری تیٹی پیپلزپارٹی کل آن بھلا جماعت مریک، زرینہ زہری
Get real time updates directly on you device, subscribe now.
کوئٹہ: پاکستان پیپلزپارٹی بلوچستان زالبول ونگ انا صدر و مسکوہی صوبائی وزیر غزالہ گولہ و جنرل سیکرٹری زرینہ زہری ئسک پارینو کہ بروک آ لس گچین کاری تیٹی پاکستان پیپلزپارٹی ملک انا بھلا سیاسی جماعت جوڑ مرسا مون آ بریک و پارٹی چیئرمین بلاول بھٹو بروک آ وزیراعظم مریک، بلوچستان اٹ پیپلزپارٹی فعال و منظم ءِ، ہراوڑ پارٹی صوبہ ٹی بلدیاتی گچین کاری تیٹی بھلو گیشتری اسے اٹ سرسہبی دوئی کرے ہمووڑ لس گچین کاری تیٹی ہم سرسہبی پارٹی نا نت تیان بُک ہلیک۔ داہیت ءِ اوفک چارشنبے نادے آ تینا ہنکین آ اوڑدہی کروک آ پاکستان پیپلزپارٹی زالبول نا اسہ ڈل اسے تون گپ و تران کرسا پاریر۔ اوفک پاریر کہ پاکستان پیپلزپارٹی جمہوریت آ پکا یخین تخک و لس گچین کاری تیکن تیار ءِ پارٹی کارندہ غاک لس گچین کاری تا پبی مہم نا بناءِ کیر۔
(اے پی پی)