سویلی افریقی کمینٹیٹر کاس نیڈو ئِ پی ایس ایل بھاز وڑا

پاکستان سپر لیگ (پی ایس ایل 5) ہراڑے درملکی گوازی گرتا اُست ئِ درینے اوڑتون اوار پی ایس ایل 5 افریقی کمینٹیٹر کاس نیڈو ئِ ہم تینا شیدائی جوڑ کرینے۔ سویلی افریقی کمینٹیٹر کاس نیڈو اولیکو وار پاکستان آ بسنے او داڑے مروک آ پاکستان سپر لیگ اونا اُست ئِ درینے۔ راولپنڈی و ایلو شار تے ٹی پی ایس ایل نا میچ آتا وخت آ شیدائی تا بھلو کچ اسٹیڈیم اٹ ساڑی مننگ آن اودے بھاز وڑار۔ کمنٹری ٹی کاس نیڈو پاکستان اٹ کرکٹ نا بارواٹ مروک آ جشن آتا خوشی نا درشانی ئِ کرسا پارینے کہ پی ایس ایل دنیا ٹی امرو ئُُ جاگہ اس مرے اوڑان زیات جوان کمنٹری نا آزموندہ پیش کیک۔ کاس نیڈو تینا بلاگ پوسٹ آ ہم اولیکور وار پاکستان آ بننگ نا آزموندہ غاتے شیئر کرینے۔ وخت اس کہ او دا بلاگ پوسٹ نا سرحال ئِ ’زیبا پاکستان‘ تخانے۔