فواد چوہدری الیکشن کمیشن کیس، سماعت 18 مارچ اسکان ملتوی
Get real time updates directly on you device, subscribe now.
اسلام آباد : سول جج جوڈیشل مجسٹریٹ وقاص راجہ پاکستان تحریک انصاف نا راہشون چوہدری فواد حسین نا الیکشن کمیشن آف پاکستان نا برخلاف بیان نا کیس انا سماعت ءِ 18 مارچ اسکان پدبٹے۔ عدالت جاست وپاستی آفیسر ءِ بروک آ سماعت آن مست چالان جمع کرفنگ نا پارت کرے۔ دوشنبے نادے آعدالت سماعت کرے داوخت آ چوہدری فواد حسین تینا وکیل علی بخاری و فیصل چوہدری تون اوار عدالت اٹ پیش مس۔ عدالت اَریفے کہ چالان جمع مس، فواد چوہدری نا وکیل پارے کہ جاست وپاستی نا کنڈ آن داتم اسکان چالان جمع کرفنگتنے۔ عدالت جاست وپاستی ءِ بروک آ سماعت آن مست چالان ءِ پیش کننگ نا پرمان کرسا سماعت ءِ 18 مارچ اسکان پدبٹے۔
(اے پی پی)