تعلیم یافتہ ورنا تے روزگار نا فراوانی کن گام گیج کننگ انگ ءِ‘ فرح عظیم شاہ
Get real time updates directly on you device, subscribe now.
کوئٹہ : ترجمان حکومت بلوچستان گودی فرح عظیم شاہ پارینے کہ ساڑی صوبائی حکومت وزیر اعلیٰ بلوچستان میر عبدالقدوس بزنجو نا کماشی ٹی تعلیم جانجوڑی و میرٹ نا اصولی پاسداری نا خواہندار ءِ۔ تعلیم یافتہ ورنا تے روزگار نا فراوانی ءِ پک کننگ کن جوان گام گیج کننگ انگ ءِ۔ گریڈ 5 آن بڑز انا کل ملازمت آتیا بھرتیک پبلک سروس کمیشن نا کمک اٹ کرفنگ نا فیصلہ آن میرٹ آ عمل درآمد مریک۔ تعلیم یافتہ ورنا و عوامی حلقہ غاک وزیر اعلیٰ بلوچستان نا دا فیصلہ نا ستا ءِ کرسا گام گیج آتا ستا ءِ کرینے۔ ترجمان صوبائی حکومت فرح عظیم شاہ پارینے کہ صوبہ ٹی ہیلتھ کارڈ ہم جاری کننگ انگ ءِ۔ ہرا کمک اٹ ہیلتھ انا ویل آتے ایسر کننگ اٹ کمک رسینگک و ہر خاہوت 10 لکھ اسکان مفت درمان کرفنگ نا آسراتی تا فراوانی تون اوار اوار میرٹ آ عمل درآمد ہم مریک۔
(خ ن)