راج اٹ نیاڑی تا بیرہ ڈاکٹر و اُستاد جوڑ کروک آ سوچ ءِ رو کروئی ءِ‘ عبدالخالق شیخ

کوئٹہ : آئی جی پولیس بلوچستان عبدالخالق شیخ پارینے کہ راج اٹ نیاڑی تا بیرہ ڈاکٹر و اُستاد جوڑ کروک آ سوچ ءِ رد کروئی ءِ، انتئے کہ راج اٹ نیاڑی تتون مروک آ بیدادی تا توننگ کن نیاڑی پولیس تھانہ جوڑ کننگانے۔ بلوچستان اٹ اولیکو وار صوبائی دارالحکومت کوئٹہ ٹی وومن پولیس اسٹیشن جوڑ کرسا نیاڑی ایس ایچ او تے تعینات کننگا داسہ ارٹمیکو تھانہ تربت شار اٹ جوڑ کننگانے۔ دا خیال آتا درشانی ءِ او تدوک آ دے تربت اٹ نیاڑی پولیس اسٹیشن نا بنا نا وخت آ بشخندار آتون ہیت وگپ کرسا کرے۔ او پارینے کہ تربت آنبار انگا علاقہ ٹی نیاڑی پولیس اسٹیشن نا جوڑی پولیس نا جوان انگا کوشست آتا نتیجہ غاک ءُ۔ و تھانہ ٹی مسیرہ بلوچ ءِ ایس ایچ او تعینات کننگانے او پارینے کہ کوئٹہ آن پد تربت بلوچستان نا ارٹمیکو بھلا شار ءِ۔ ہراڑے وومن پولیس اسٹیشن جوڑ کننگانے دا تھانہ غاتا جوڑی آن راج اٹ نیاڑی تیا مروک آ بیدادی تا توننگ کن نیاڑی پولیس تھانہ جوڑ کننگک۔ و اوفتے ٹی نیاڑی ایس ایچ او تعینات کننگانے۔

(آن لائن)