ڈپٹی کمشنر کوئٹہ نا کماشی ٹی عالم دین و مدرسہ زموار آتا دیوان

کوئٹہ، ڈپٹی کمشنر کوئٹہ مہراللہ بادینی نا کماشی ٹی عالم دین و مدرسہ غاتا زموار آتتون دیوان اس اڈ ہلک، ہراٹی ایڈیشنل ڈپٹی کمشنر جنرل محمد انور کاکڑ، ایڈیشنل ڈپٹی کمشنر ریونیو حافظ محمد طارق تون اوار جتا جتا تپہ غاتتون تعلقدار عالم دین و مدرسہ غاتا زموار آک بشخ ہلکر۔ دیوان اٹی کوئٹہ ٹی مذہبی ہم گرنچی، بین المسالک رواداری، ایلمداری، تین پہ تینی شرف و امن ایمنی نا رد اٹ گپ وتران کننگا۔ دا وخت آ ڈپٹی کمشنر پارے کہ کوئٹہ نا پرامن چاگڑد و کل تپہ غاتا نیام اٹی سیوت و امنائی ءِ برجا تخنگ ننا کل نا اسیجائی زمواری ءِ۔ عالم دینک راج اٹی امن، سگ‘ ایلمداری و مثبت سوچ انا شون تننگ اٹ تینا اہم کڑد ءِ ادا کیر۔ او دا ارادگی نا درشانی ءِ کرے کہ ضلعی انتظامیہ کل تپہ غاتا عالم دین تتون پدریسہ حوالی و سلابت نا کمک اٹ شار اٹی امن، مذہبی ہم گرنچی و تین پہ تینی پت انا شون تننگ کن گام گیج آتے برجا تخک۔