بنجائی ملازمت آتیٹی بلوچستان بشخ آ عملدرآمد کن گام گیج ستا کڑزک، جان بلیدی
Get real time updates directly on you device, subscribe now.
نیشنل پارٹی نا راہشون سینیٹر جان محمد بلیدی بنجائی ملازمت آتیٹی بلوچستان نا پک بشخ آ عملدرآمد کن وزیراعظم پاکستان میاں شہباز شریف نا کنڈ آن باقاعدہ تقرری تا پرمان جاری کننگ آ اونا منت ءِ ہرفسا پارینے کہ بلوچستان نا ورناتے بنجائی ملازمت آتیٹی اوفتا روا انگا حق فراوان کننگ کن کروک گام گیج آک ستا کڑزوک ءُ۔ او پارے کہ سینیٹ نا ڈیولوشن کمیٹی نا ذیلی کمیٹی نا کوینئر سینیٹر ضمیر احمد گھمرو، باسک سینیٹر جان محمد بلیدی و باسک پونجو بیل بنجائی ملازمت آتیٹی بلوچستان نا بشخ آ عملدرآمد کن بنجائی حکومت ءِ سلاہ تسوسر۔ دا خواست آتیا بنجائی اسٹیبلشمنٹ ڈویژن دمدستی کارروائی کرسا کل بنجائی محکمہ غاتے پارت کرے کہ او ملازمت آتیٹی بلوچستان نا بشخ آ دمدستی عملدرآمد ءِ پک کیر۔