سوگو شونداری نا کچ ءِ 20درسد اسکان دننگ نا تکانن،  شوکت ترین

اسلام آباد۔ (اے پی پی) وزیر خزانہ شوکت ترین پارینے کہ 10سال اٹی پائیدار شونداری نا کچ ءِ 20 درسد اسکان دننگ نا ہدفءِ، سوگو وپائیدار شونداری کن پیدوار ءِ ودفنگ المی ءِ، تینا اُراکن 20لکھ روپئی اسکان وام فراوان کینہ، جان جوڑی نا آسراتی کن مچ آ ملک اٹی جان جوڑی کارڈ جاری کینہ، 8آن 10سال اٹی پائیدار شونداری نا کچ ءِ 20درسد اسکان دننگ خوانہ،م کاروبار نا بناءِ کننگ کن ہرشاری ءِ 5لکھ روپئی وام ایتنہ۔ ہفتہ نا دے آ پوسٹ بجٹ پریس کانفرنس آن تران کریکہ۔ داوخت آ وزیر صنعت و پیدوار مخدوم خسروبختیار، وزیراعظم نا خصوصی کمکارتخفیف نیزگاری ڈاکٹرثانیہ نشتر، سلاہکار واپار وزرکاری عبدالرزاق داؤد ئسک ہم ساڑی ئسر۔ اوپارے کہ بجٹ اٹی کشت وکشار و صنعت تون اوار چندی بشخ آتے خراج رعایت تننگ انگ ءِ۔ اوپارے کہ نن خوانہ کہ بلاواسطہ نا جاگہ غا بلواسطہ خراج جمع مرے، خراج تروک آتے پین آسودہی ایتنہ، براہ راست خراج تروک آتے کن انعامی اسکیم درستی راستی کرفنگ اُن۔ شوکت ترین پارے کہ آٹوانڈسٹری ٹی خراج چھوٹ آن 800سی سی اسکان گاڈیک اڑزآن مریرہ۔ اوپارے کہ درآمدات و برآمدآتے کنٹرول کننگ نا گرج ءِ، پائیدار شونداری نا دوئی کننگ کن آخبت ءِ مون آ تخسا فیصلہ کرینن، بجٹ اٹ ہرتپہ ءِ مون آ تخسا جوڑ جوڑ کننگانے۔ وزیرخزانہ پارے کہ بجلی نا بشخ ءِ مالیاتی اعتبار اٹ پائیدار جوڑ کننگ خوانہ، مچ آ ڈسکوتے اسہ انڈیپنڈنٹ بورڈ انا شیف اٹ اتینہ۔ اوپارے کہ ملک انا 40لکھ غریب خاہوت آتسکان اڑزآن وام سرکینہ وخت اس کہ اُراتا تفنگ کن غریب آتے 3لکھ روپئی اسکان سبسڈی تننگک۔ بنجائی وزیر پارے کہ غریب تون سیاست کروئی اف و کاروبار نا بنا کن 5لکھ روپئی نا بیدس سود وام 3سال اکن تننگک۔ بنجائی وزیر صنعت و پیدوار خسروبختیار پارے کہ برآمدآتے سوگوی تننگ کن انقلابی گام گیج کرینن، انڈسٹری ءِ بجلی و گیس انا فراوانی کن سبسڈی ایتنہ۔ اوپارے کہ کراچی ٹی انڈسٹریل زون جوڑ کننگ انگ ءِ۔ اوپارے کہ چین پاکستان اقتصادی راہداری ڈٹ انا رداٹ مچ آ ملک اٹی خصوصی اقتصادی زون جوڑ کننگ انگ ءِ، اولیکو ریسہ ٹی رشکئی، فیصل آباد، دھابیجی و بوستان زون آ اولیتی بنداوتیا کاریم نا بناءِ کننگانے۔ سلاہکار واپار و زرکاری عبدالرزاق داؤد پارے کہ ٹیکسٹائل برآمد آتا ہدف 20ارب ڈالر مقرر کننگانے۔ خام مال انا جاگہ غا ویلیو ایڈاشیا پاکستان اٹ جوڑ مننگ بناکیک۔