قوم انا خاطر شہید مروک آک قوم انا محسنکءُ، صدر مملکت ڈاکٹر عارف علوی
Get real time updates directly on you device, subscribe now.
اسلام آباد (اے پی پی) صدر مملکت ڈاکٹرعارف علوی بلوچستان اٹی دہشت گردآتا جلہو اٹی شہید مروک آ ایف سی کارندہ غاتا خاہوت آتون ٹیل فون آ ہیت کرسا پارے کہ قوم انا خاطر جام شہادت نوش کروک آک قوم انا محسنک ءُ۔ ہفتہ نادے آ ایوان صدر میڈیا آفس آن جاری بیان نا رداٹ داایف سی کارندہ غاک اوغانستان نا کنڈآن دہشت گردآتا جلہو اٹی شہید مسر۔ ایف سی کارندہ 5مئی آ منزکئی سیکٹر، ژوب، بلوچستان اٹی پاک۔اوغان سیم آ باڑخلنگ اٹ اختہ ئسر۔ صدر مملکت حوالدار نور و سپاہی محمد شکیل نا خاہو ت تون فون آ رابطہ کرے۔ صدر عارف علوی سپاہی قربان علی، غفران علی و احسان نا خاہو ت تون ہم ٹیل فون آ گپ وتران کرسا پارے کہ قوم انا خاطر جام شہادت نوش کروک آک قوم انا محسنک ءُ۔ صدر عارف علوی شہیدآتے قوم اکن بھلو قربانی اس تننگ آ خراج عقیدت پیش کرے۔ صدر مملکت شہید آتے اوفتا نرزوری و خذمت آتیاہم خراج تحسین پیش کرسا شہید آتا درجہ غاتا بڑزی کن دعا و خاہو ت تون ہمدردی کرے۔