شاہ محمود قریشی، اسد عمر، فواد چوہدری اڈیالہ جیل آ راہی کننگار

اسلام آباد: اسلام آباد پولیس شاہ محمود قریشی، اسد عمر، فواد چوہدری، جمشید اقبال چیمہ، فلک ناز چترالی،مسرت جمشید چیمہ و ملیکہ بخاری ءِ دزگیر کرینے۔ پنچ شنبے نادے آ پولیس نا کنڈآن جاری بیان نا رداٹ ڈٹ بندی نا رداٹ پرغ بٹ، و بیداد کننگ، و مچی کننگ آ ہشکا تروک آتا برخلاف نقص امن نا خطرہ نا رداٹ دزگیری کننگانے۔ پولیس نا رداٹ غٹ دزگیری تے کانودی خواست آتے پورو کرسا کننگانے و پین دزگیرکننگ نا گمان ءِ۔ ایف آئی آر اٹ پی ٹی آئی نا سروک عمران خان، شاہ محمود قریشی تون اوار کیہی ایلو سینئر راہشون و 1500 کارندہ ءِ پن کننگانے۔ ایف آئی آر اٹ دوبہ خلنگانے کہ پی ٹی آئی نا راہشون میاں اسلم اقبال و محمود الرشید سلہہ بند مرسا ٹولی تا کماشی ءِ کریر و ہرا اوکان گڈ لاہور کینٹ انا علاقہ ٹی ہننگ آن پد بیدادی کریر۔ ڈی ایس پی ایف آئی آر اٹ دوبہ خلک کہ او فوج انا برخلاف نعرہ خلکر و پڑو کریر کہ پی ٹی آئی نا سرکڑدہ غاک اوفتے پولیس آ جلہو کننگ و سرکاری و نجی ملکیت آتے خاخر تننگ نا پارمان کرینو۔ پولیس ہکل تسنے کہ ہوکا و خار تالان کننگ آن پاناد کننگے۔ ایلو کنڈ آ حوال آک ءُ کہ شاہ محمود قریشی، اسد عمر، فواد چوہدری ءِ اڈیالہ جیل آ راہی کننگانے۔

(اے پی پی)