صدرعارف ساڑی ملکی حالیت آتیا ڈکھیا، شاری تیان امن نا خواست

اسلام آباد : صدر مملکت ڈاکٹر عارف ساڑی ملکی حالیت آتیا ڈکھیامسنے‘ ملک انا کل شاری تیان پرامن مننگ نا خواست کرینے‘ السی رابطہ نا ویب سائٹ ٹوئٹر آ تینا کلہو اٹ پارینے کہ ای مسکوہی وزیراعظم عمران خان ءِ دزگیر کننگ و لٹ وکٹ کننگ آن ودی مروک مک انا ساڑی حالیت آتیا بھاز ڈکھیا اٹ‘ا نسانی جان تا زیان است ہسونی نا سوب ومذمت نا قابل ءِ‘ برانز کننگ نا پاکستان نا ہر شاری نا حق ءِ ولے بایدے مدام کانود نادنگ اٹ کننگے‘ منہ شرپسند ہرا وڑ سرکاری ملکیت خاص وڑ اٹ سرکاری و فوجی ماڑی تے نسخان رسیفینو اوفتا مذمت ءِ کیوہ‘ نن بایدے جور ودزگیری تا جاگہ غا دوارہ سجفن و سیاسی ایسر اس کشن۔ ای سیاسی و عسکری سڑدہ غاتے تینا گڑتی تیان معلومدار کرینٹ اومیت کیوہ کہ حالیت آک جوان مریرہ‘ ملک اٹ کل شاری تیان امن اٹ مننگ نا خواست کیوہ۔

(آن لائن)