وزیراعظم قومی سلامتی کمیٹی نا اہم ءُ دیوان اس بٹنگا

اسلام آباد : وزیراعظم شہباز شریف قومی سلامتی کمیٹی نا اہم ءُ دیوان اس اینوجمعہ نادے بٹنگانے‘ ہراٹی قومی و داخلی سلامتی نابابت اہم امور تیا شرہ کننگک۔ حکومتی حوالی نا رد اٹ اینو جمعہ نا دے سَے بجہ غا وزیراعظم ہاؤس اٹ دیوان اڈ ہلیک‘۔ وزیراعظم شہباز شریف ناکماشی ٹی اڈ ہلوک دیوان اٹ بڑزکو کہولی عسکری سرکڑدہ و انٹیلی جنس ادارہ غاتا سروک آک ہم بشخ ہلیرہ وخت اس کہ قومی سلامتی کمیٹی نا باسک و تعلقدار بنجائی سیکرٹری تے ہم بشخ ہلنگ ناسلہ خلنگانے‘ دیوان اٹ ملک انا ساڑی سکیورٹی وامن وایمنی نا حالیت نا جاچ ءِ ہلنگک۔ تحریک انصاف نا کنڈآن عمران خان نا دزگیری آن پد خلنگ پرغنگ‘ خاخر تننگ‘ ہڑدڑ و فوجی ملکیت آتیا جلہو تا سوب آن ودی مروک حالیت آتیا ہم سجفنگک۔ فوج انا تعیناتی و سکیورٹی ادارہ غاتا کنڈآن امن وایمنی ءِ گچین کننگ کن ہرفوک گام تا پد انا بابت ہم سجفنگک و شرپسند آتتون مون تننگ کن اہم انگا فیصلہ غاتا منظوری ہم تننگک۔

(آن لائن)