باچا خان اسہ عظیم ءُ لیڈر اس ئس‘ محمد اسلم بھوتانی

حب: لسبیلہ گوادر آن قومی اسمبلی نا باسک محمد اسلم بھوتانی پارینے کہ باچاخان اسہ عظیم ءُ بندغ اس ئس و انسانیت آ پام تخاکہ۔ اونا فلسفہ قوم تے اسٹ کننگ و تینا حق آتیکن جوان وڑاٹ جہد انا سبخ تسکہ۔ او ہر بندغ ءِ پسند کتوکہ۔ اینو پگہ غداری نا سرٹیفکیٹ تننگ عام ءُ ہیت اس مس۔ حق آتیکن جہد آ پام تخنہ۔ حق اکن کاٹم ءِ کاٹ کننگ کینہ۔ گڑاس بندغ ایلوفتے کاریم اٹ اتسا کیرہ۔ دا خیال آتا درشانی ءِ او تدوک آ دے لیڈا آڈیٹوریم اٹ باچا نا بابت اٹ اڈ ہلوک سیمینار اٹ تران کرسا کرے۔ اسلم بھوتانی پارینے کہ باچا خاں اسہ عظیم ءُ بندغ اس ئس۔ وخت اس کہ انسانیت آ پام تخاکہ۔ اوفتا فلسفہ قوم تے اوار کننگ کن اسہ عظیم ءُ کلہو اس ئس۔ او متشددانہ رویہ غاتے پسند کتوکہ۔ او ایلمی نا فضا ءِ جوڑ کننگ کن زور شاغاکہ۔ او پارینے کہ باچا خان و ولی خان ہرا طاقت آتا مقالبہ ءِ کرے و قید بند ءِ برداشت کرے۔ ننے ہمو طاقت آتا محتاج مروئی اف۔

(آن لائن)