الس مذہبی و قوم پرست جماعت آتیان بیزار مسنے‘حاجی نورمحمد دمڑ

کوئٹہ: بی اے پی انا صوبائی جنرل سیکرٹری سنیئر صوبائی وزیر ڈٹ بندی حاجی نورمحمد خان دمڑ پارینے کہ ضلع زیارت آن سد آتا کچ اٹ اُلس ننا کاروان بی اے پی اٹ اوار مننگ اٹی ءُ۔ ضلع زیارت نا ہڑتوم آ تحصیل زیارت وسنجاوی نا ہر یونین کونسل، خلق و کلی ٹی ہڑدے نا بنداو آ جتا جتا سیاسی جماعت آتیان استیفہ ترسا بی اے پی اٹ اوار مننگ اٹی ءِ۔ تینا چار ءُ نیم سال نا دور حکومت اٹ اُلس نا اجتماعی و انفرادی کاریم کرینے۔ اُلس نا ہرا کاریم تے کرینو اوفک اُلس آ احسان افس وخت اس کہ اوفتا حق ءِ۔ ضلع زیارت آ حکمرانی کروک آتا سیاست پورو مسنے۔ دا خیال آتا درشانی ءِ او یونین کونسل منہ زیارت ات شمولیتی اجتماع آن تران کرسا کرے۔ شمولیتی اجتماع ٹی تحصیل زیارت نا مسکوہی زکواۃ چیئر مین و یونین کونسل چیئرمین حاجی گل محمد، لالا محمد نعیم استاد، مسکوہی چیرمین یونین کونسل زکواۃ کمیٹی منہ نور اللہ کاکڑ، ڈاکٹر خیر اللہ، ماسٹر نجیب اللہ، خیال محمد، پروفیسر عجب خان، انچارج لیویز زیرو پوائنٹ عنائت اللہ کاکڑ، لکچرار محب اللہ،شہباز خان، شبیر احمد،ارسلان خان، ہمایوں کاکڑ، حمید اللہ تینا خاہوت و قبیلہ تون اوار جمعیت وعلماء اسلام آن استیفہ سینئر صوبائی وزیر حاجی نورمحمد خان دمڑ نا کماشی و کارکڑد اعتماد نا درشانی ءِ کرسا بی اے پی و اوفتا کاروان اٹ اوار مس۔

(آن لائن)