اسسٹنٹ کمشنر ماشکیل نا ودی کاری تا برخلاف کارروائی، مسہ بندغ دزگیر

اسسٹنٹ کمشنر ماشکیل ثناء اللہ بلوچ بازار نا اناگت دورہ ءِ کرے، دورہ نا وخت آ بازار ءِ کشادہ و الس نا آسراتی کن ودیکاری تے دمدستی وڑاٹ چٹفنگا۔ ریڑھی والا تے پدی کرسا بازار اٹی ہن وبر ءِ جوان کننگا وخت اس کہ سوزی منڈی و ایلو ہند آتیا سفائی نا بست و بند آتا ہم جاچ ءِ ہلنگا۔ کھدکتر تالان کروک آتے جاگہ غا سَفائی کرفنگا تانکہ بازار اٹی سفائی و جوان چاگڑد اسے ءِ پک کننگ مرے۔ دورہ ناوخت آ کبین نہاد آ بہا کروک مسہ بندغ آتے دزگیر کننگا۔ اسسٹنٹ کمشنر دوکاندار آتے سفائی ءِ برجا تخنگ، سرکاری پارت آتیا عمل کننگ و ودیکاری کپننگ نا سخت پارت کرسا پیدوار کرے کہ السی فائدہ نا برخلاف ہچ ءُ خلاف ورزی، ناروا کٹیا کاری یا ودیکاری آ بے فرق آن کانودی کارروائی برجا سلک‘ راجی تپہ و شاریک انتظامیہ نا دا بھرمی کارروائی ناستاءِ کریر۔