شہید مولا بخش دشتی پامدار ءُ راہشون اس ئسکہ، آغا رب نواز شاہ

نوشکے : شہید مولا بخش دشتی گچین ءُ جوان علم تخوک ءُ راہشون اس ئس ہرافتے بلوچ قومی سیاست تون اوار اوار انسانی تاریخ نا بدل مروک آ سیاسی و زرگزرانی حالیت آک بھاز جوان ئسر و نمود و نمائش و زاتی مفاد مراعات آتا شونقی الوس وخت اس کہ سادہ انگا زند ءِ پسند کروک آ نظریاتی و فکری بابت اٹ لیس مخلص و مستقل مزاج ءُ سیاستدان اس ئس دا خیال آتا درشانی ءِ او نیشنل پارٹی نوشکے نا ضلعی صدر آغا رب نواز شاہ، سنیئر راہشون مجیب بلوچ یوتھ اینڈ سپورٹس سیکرٹری آغاداود شاہ لیبر سیکرٹری رازق زہری بی ایس او پجار نا باسک مرکزی کمیٹی آغا حق نواز شاہ صوبائی جوائنٹ سیکرٹری مشتاق بلوچ زونل آرگنائزر اظہار بلوچ،امیر حمزہ و ایلوفک نیشنل پارٹی نا سیکرٹریٹ اٹ اڈ ہلوک ہڑزخواہی ریفرنس آن تران کرسا پارینے ترانکار آک شہید مولا بخش دشتی ءِ اونا شہادت نا دے آ جوان خراج عقیدت پیش کرسا شہید نا سوچ فکر و فلسفہ ءِ پورو کننگ و عملی جامہ پورو کننگ و بلوچستان تون اوار مچ آ دنیا ٹی سر کننگ نا درشانی ءِ کرے۔

(آن لائن)