جمہوری پلیٹ فارم آن حق آتے دوئی کننگ کینہ، اسحاق بلوچ

خاران : نیشنل پارٹی نا بنجائی نائب صدر ڈاکٹر اسحاق بلوچ پارینے کہ اصولی و جمہوری پارٹی نا پلیٹ فارم آن تینا قومی حق آتے دوئی کننگ کیرہ۔ بلوچستان تون بے کچ وسیلہ ارے آبادی کم ءِ۔ اگہ بلوچستان نا اُلس نا حق ملکیت ءِ مننگے۔ ننے بنجاہ نا گرانٹ نا گرج اف ہر اُرا شونہال مریک۔ دا خیال آتا درشانی ءِ او گزی ٹی شمولیتی پروگرام آن تران کرسا کرے۔ او وخت آ میر نور الہی نوشیروانی نا کماشی ٹی نیشنل پارٹی نا پروگرام اٹ مسکوہی وزیراعلی بلوچستان ڈاکٹر عبد المالک بلوچ نا کماشی آ اعتماد نا درشانی ءِ کرسا امیر حمزہ محمد حسنی، محمد زمان،سعید احمد، طارق علی، راشد علی، صاحب داد، بشیر احمد، امین اللہ، سراج جان، محمد عباس، عمران جان، منیر محمد، قدیر احمد، عبد المجید،محمد حسین، بابو جلیل احمد، جان محمد، سعد اللہ، صالح جان،شکر اللہ، امین اللہ، منیر محمد، طارق علی اسک تینا سد آتا کچ اٹ سنگت آتون اوار نیشنل پارٹی ٹی اوار مس۔ دود آن ضلعی صدر میر کے ڈی بلوچ، جنرل سیکرٹری یونس بلوچ، میڈیا سیکر ٹری امان اللہ بلوچ، بی ایس او نا سینٹرل کمیٹی نا باسک آصف نور بلوچ ہم تران کرے۔ ڈاکٹر اسحاق بلوچ پارٹی ٹی اوار مروک آتے مبارکبادی ترسا پارینے کہ نن اومیت کینہ کہ سنگت میر غوث بخش بزنجو نا سیاسی فلسفہ ءِ اُرا اُرا اسکان سر کیرہ۔

(آن لائن)