ریچارج پاکستان پروجیکٹ کن 77.8 ملین ڈالر نا منظوری

اسلام آباد: بنجائی وزیر موسمیاتی بدلی و چاگڑدی رابطہ سینیٹر شیری رحمان پارینے کہ ریچارج پاکستان پروجیکٹ کن 77.8 ملین ڈالر نا فنڈنگ نا منظوری ءِ تننگانے۔ ری چارج پاکستان ڈت بروک آ 7 سال آتیٹی لاگو کننگک۔ دا فنڈنگ اٹ 66 ملین ڈالر نا گرین کلائمیٹ فنانس نا وسیلہ و کم و ود 11.8 ملین ڈالر نا شریک فنانسنگ اوار ءِ۔ سے شنبے نادے آ تینا اسہ ٹویٹ اسے ٹی بنجائی وزیر پارے کہ دا ڈٹ انا مسخت چاگڑدی نظام آ تالان ایڈاپٹیشن نا گام گیج آتا بناکننگ ءِ ہراٹی نوکاپ نا دیر ءِ مچ کننگ، فلڈرسک مینجمنٹ، چندی اولیتی علاقہ غاتیٹی گرین انفراسٹرکچر نا جوڑ و چاگڑدی بدلی آن زہمی کمیونٹی تا لائخی ءِ ودفنگ ءِ۔ اوپارے کہ ڈٹ اٹ حکومت پاکستان بشمول غٹ صوبہ و اسٹیک ہولڈر آتا چاگڑدی بدلی تا بابت ڈٹ آتے لاگو کننگ نا لائخی ءِ ودفنگ ہم اوار ءِ۔ شیری رحمان پارے کہ ری چارج پاکستان ڈٹ انا منظوری حکومت نا اہم سرسہبی ءِ، دا ڈٹ چاگڑدی بدلی تا اثرآتون مون تننگ اٹ بھاز ساز گار جوڑمریک۔

(اے پی پی)