وزیراعظم شہباز شریف بونیر یونیورسٹی نا ہُشار طالب علم ءِ تینا کرسی آ تولفے

پشاور: وزیراعظم محمد شہباز شریف بونیر یونیورسٹی نا ہُشار طالب علم ءِ تینا کرسی آ تولفے۔ سے شنبے نادے آ داڑے یوتھ پروگرام نا رداٹ لائخ آ طالب علم آتیٹی لیپ ٹاپ بشخنگ و فاٹا یونیورسٹی نا بنائی دود اٹی بونیر یونیورسٹی نا ہُشار طالب علم رحمان علی ءِ ہم تران نا موقع تننگا۔ رحمان علی تینا تقریر اٹی وزیراعظم نا لیپ ٹاپ اسکیم نا ستاءِ کرے و پارے کہ دا لیپ ٹاپ آخا اسہ خزانہ اسے ءُ۔ ای ہم لیپ ٹاپ ہلنگ خوائسٹہ ولے کنا باوہ کن اُرانا خڑچ آتون اوار اوار لیپ ٹاپ ہلنگ ممکن الوکہ۔ داسہ دا اسکیم نا رداٹ کنے ہم لیپ ٹاپ ملنگ ءِ ہرانا کنے بھاز خوشی ءِ۔ لیپ ٹاپ دوئی کروک آ طالب علم آک ملک انا آخبت ءُ۔ پگہ وزیراعظم نا کرسی آ انشاء اللہ ہندافک تولرہ۔ رحمان علی نا دا ہیت آتیا وزیراعظم شہباز شریف تون اوار ہال اٹی ساڑی غٹ بندغ آک تالی خلسا اونا است بڈی ءِ کریر۔ وزیراعظم تینا نشست آن بش مرسا رحمان علی ءِ خمب کرے، اوڑتون شفقت نا درشانی ءِ کرے، اونا دوتے سرفسا اونا است بڈی ءِ کرے و ولدا رحمان علی ءِ ہلسا تینا نشست آ تولفے۔

(اے پی پی)