اسٹینڈ بائی معاہدہ ءِ پاکستان نا خاطر آن سپورٹ کرین‘ شاہ محمود قریشی

اسلام آباد : اسلام آباد نا دہشت گردی تور عدالت ناپیشن آ پاکستان تحریک انصاف نا وائس چیئرمین شاہ محمود قریشی پارے کہ آئی ایم ایف نا ٹیم اتون جوان ءُ اوڑدہی اس مس‘ نن اسٹینڈ بائی معاہدہ ءِ پاکستان نا خاطر آن سپورٹ کرین‘ اگہ دا معاہدہ نا مخ تفی ءِ کتونہ تو ڈیفالٹ نا خلیس ئس‘ حوال نا رد اٹ اسلام آباد نا دہشت گردی تور عدالت ناپیشن آ میڈیا تون ہیت وگپ کرسا شاہ محمود قریشی پارے کہ پی ڈی ایم اٹ چاگڑد گڑدی ءِ‘ ہُرنہ کہ مونی امر مریک‘ دَرو مولانا فضل الرحمان پریس کانفرنس کرے و ن لیگ آن خوش خننگتوکہ‘ ن لیگ و پیپلز پارٹی نا سیاسی کسرک جتا مریرہ‘ اسہ پوسکن ءُ عجب ءُ سیاست اس ودی مننگ اٹی ءِ اوپارے کہ آئی ایم ایف نا ٹیم اتون اوڑدہی جوان مس‘ آئی ایم ایف پاکستان ءِ 3 ارب ڈالر نا 9 تُو اکن فسیلٹی تسنے‘ نن اسٹینڈ بائی معاہدہ نا پاکستان نا خاطر آن مخ تفی ءِ کرین‘ اگہ دا معاہدہ نا مخ تفی ءِ کتونہ تو ڈیفالٹ نا خطرہ ئس۔ ڈیفالٹ مننگ آن کبینی پین وداکہ‘پی ٹی آئی نا راہشون پارے کہ ملک انا فائدہ غاتے مون آتخسا ریاست پاکستان نا فائدہ غاتے ہُرنہ۔ پی ڈی ایم نا جماعت آتا جماعت آتا رویہ اسُل چَپ ئس‘ نن پاکستان نا فائدہ غاتے اولیت تسن وخت اس کہ پی ڈی ایم ذاتی فائدہ ءِ اولیت تس‘ اسٹینڈ بائی معاہدہ ویل انا ایسر اف‘ دا معاہدہ ٹی مسہ قسط اٹ پیسہ غاک رسینگرہ۔ شاہ محمود قریشی مستی پارے کہ گوازی ٹی سیاست ءِ اوار کننگپ‘ دنیا نا خنک ورلڈ کپ آ خلوک ءُ۔ پاکستان نا سوچ مدام جوان مسنے‘ ہندوستان داڑے گوازی کننگ آن انتئے تینے پد تورک؟ وزیر خارجہ ناکماشی ٹی کمیٹی ٹہیفنگانے‘ فیصلہ ءِ وزیراعظم کیک کنے ہندن لگک کہ فیصلہ مسنے۔

(آن لائن)