غیرحاضر ڈسپنسر آتا برخلاف کارروائی کننگک‘ ڈی سی آواران

آواران : ڈپٹی کمشنر آواران جمعہ داد خان نا کماشی ٹی ڈسٹرکٹ ہیلتھ کمیٹی نا دیوان اڈ ہلک۔ دیوان اٹ محکمہ ہیلتھ نا افسر و زموار آک بشخ ہلکر۔ دیوان اٹ غیر حاضر ڈسپنسر آتا برخلاف کاروائی، دارو تا کاختی ءِ مر کننگے، ڈسٹرکٹ اٹ عملہ نا پوسٹنگ، ڈسٹرکٹ اٹ ہیلتھ انا آلات جراحی و ایلو آسراتی تا فراوانی، ہیلتھ ورکر آتیکن ہیلتھ الاؤنس نا بارواٹ غور و خوض، ڈپوٹیشن و ڈسٹرکٹ آن پیشن اٹیچ منٹ آ پابندی نافذ کل ویل آتیا غور وخوض کننگے و ضلع آواران نا جوان مفاد اٹ ڈی ایچ سی دیوان اٹ فیصلہ کرے۔ دیوان آن تران کرسا ڈپٹی کمشنر آواران جمعہ داد خان نا پاننگ ئس کہ ضلع آواران نا اُلس تینا نت تیا سلوک ءِ۔ کہ اوفک تینا درمان ءِ تینا خرچہ ٹی کننگ کیر ہندا سوب آن المی ءِ کہ گورنمنٹ ہسپتال آتیان اُلس ءِ درمان نا آسراتی تننگے۔

(خ ن)