زیارت‘ محکمہ جانجوڑی نا بابت ہچ ءُ ڈیوالئی اس سگپنہ‘ شبیر بادینی

زیارت : ڈپٹی کمشنر زیارت شبیر احمد بادینی نا کماشی ٹی ڈسٹرکٹ ہیلتھ کمیٹی نا دیوان اڈ ہلک۔ دیوان اٹ ڈسٹرکٹ ہیلتھ افسر ڈاکٹر انور مندوخیل، ڈسٹرکٹ اکاونٹس افسر زبیر احمد پانیزئی، ڈی ایس ایم ڈاکٹر فرید اللہ پانیزئی ایم ایس ڈاکٹر عرفان الدین،ہمایوں کاکڑ بشخ ہلکر۔ دیوان اٹ جتا جتا فیصلہ کریر کہ غیر حاضر ملازم آتا تنخواہ تے کاٹ کننگک و محکمہ جانجوڑی نا کل اسٹاف ءِ پورو وڑاٹ ڈیوٹی نا پابند کننگک۔ او وخت آ ڈپٹی کمشنر زیارت شبیر احمد بادینی تران کرسا پارینے کہ جانجوڑی نا محکمہ اسہ اہم ءُ بشخ اسے داڑا ہچ ءُ سمجھوتہ اس کننگپک۔ ڈاکٹر آک قوم انا مسیحا ءُ او تینا فرض آتے جوان وڑاٹ ادا کیر و تینا جائے تعیناتی آ ساڑی سلر۔ غیر حاضر آ ڈاکٹر آتا تنخواہ تیان کٹوتی کننگک۔ او پارینے کہ او ناگمان ہسپتال آتا دورہ ءِ کیک و محکمہ جانجوڑی نا تینٹ مانیٹرنگ ءِ کیک۔

(خ ن)