فیفا فٹبال ورلڈ کپ 2026 نا اولیکو کوارٹر فائنل اٹی فرانس مراکش ءِ 0-2 اٹ شکست تس و سیمی فائنل اٹی تینا جاگہ ءِ پَک کرے
Get real time updates directly on you device, subscribe now.
وسٹن: فیفا فٹبال ورلڈ کپ 2026 نا اولیکو کوارٹر فائنل اٹی فرانس مراکش ءِ 0-2 اٹ شکست تس و سیمی فائنل اٹی تینا جاگہ ءِ پَک کرے۔ کپتان ایمباپے و ڈیمبیلے نا جوان آ کارکڑد نا سوب آن فرانس مراکش ءِ شکست تس و فیفا ورلڈ کپ 2026 نا سیمی فائنل اٹی سر مروک آ اولیکو ٹیم مننگ نا شرف دوئی کرے۔۔ میچ نا اولیکو ہاف ہچ ءُ گول اسے آن بیدس بریبر ئس ولے ارٹمیکو ہاف نا بیرہ 6 منٹ نا تہٹی فرانسیسی ٹیم اِرا گول کرسا میچ ءِ تینا پن آ کرے۔بوسٹن اسٹیڈیم اٹی اڈ ہلوک آ اولیکو کوارٹر فائنل نا بناء بھاز شانی ءُ وڑ اسے ٹی مس۔ فرانسیسی ٹیم مراکش نا گول آ کیہی جلہو کرے۔ ایمباپے ءِ ڈی اٹی تمنگ آن فرانس ءِ پینلٹی ملا ولے مراکشی گول کیپر اونا ہٹ ءِ آسانی اٹ تورے۔ ارٹمیکو ہاف اٹی ہم فرانسیسی ٹیم جلہو آتے برجا تخا۔۔ گڈسر 60 میکو منٹ اٹی ایمباپے گول کرسا ٹیم ءِ برتری تس و 66 میکو منٹ اٹی ڈیمبیلے اسہ جوان ءُ گول اس کرسا دا برتری ءِ ارٹ ہموخس کرے۔