ملک اٹ اِرا ہفتہ ٹی پر تیان 76 بندغ زوال مسنو، این ڈی ایم اے
کل آن زیات مرک پنجاب اٹی مس، زوال مروک آتا کچ 48 اسکان ئس، 133 بندغ ٹھپی ہم مسنو
Get real time updates directly on you device, subscribe now.
اسلام آباد : ملک اٹ اِرا ہفتہ ٹی مروک طوفانی پِر تیان 76بندغ زوال و 133 ٹھپی مسنو‘ این ڈی ایم اے سرجم تے جاری کرے‘ نیشنل ڈیزاسٹر مینجمنٹ اتھارٹی مچ آ ملک اٹ داسہ نا پِر تیان مروک جانی ومالی نسخان تا سرجم ءِ جاری کرے‘ این ڈی ایم اے ناجاری کروک حساب کتاب نا رد اٹ اِرا ہفتہ ٹی پِرتیان 76بندغ زوال و 133ٹھپی مسر‘ این ڈی ایم اے نا رد اٹ پِرتیان کل آن زیات پنجاب اٹ 48زوال رپورٹ مسر‘ پِر تیان چندی شکست آتے ٹی خیبر پختونخوا ٹی 20 و بلوچستان اٹ 5 بندغ زوال مسر‘ پِر تا سوب آن پنجاب اٹ 86 و خیبر پختونخوا ٹی 37بندغ ٹھپی مسر‘ زوال مروک آتے ٹی 31چنا‘ 30نرینہ و 15نیاڑی اوار ءُ‘ پِر انا وخت آ چندی شکست آتے ٹی 46چنا‘ 49نرینہ و 38نیاڑی ٹھپی ہم مسر‘ پرتیان 76اُراءِ نسخان مس و 44مال ءِ نوکاپ نادیر درے۔ این ڈی ایم اے نا رد اٹ پِرتیان پنجاب اٹ 32 و خیبر پختونخوا ٹی 46اُراءِ نسخان رسینگا۔
(آن لائن)