عمران خان ٹرسٹ اسے نا پن آ دزی نا سوب آن ہلنگانے، رانا ثناء
پیسہ غاتے قومی خزانہ ٹی پدی بروئی ئس، شہزاد اکبر باندات نا نیام اٹ بس‘ باندات آک پک کننگار، 7ارب نا پراپرٹی اسے،وزیر داخلہ
اسلام آباد : بنجائی وزیر داخلہ رانا ثناء اللہ پارینے کہ عمران خان ءِ کانود نا رداٹ دزگیر کننگانے‘ نیب آجو ءُ ادارہ اسے‘ بنجا نا نیب آ ہچ ءُ کنٹرول اس اف‘ عمران خان کڑدار نا حساب اٹ مکار ءُ انسان اسے‘ سوغند ہرفوہ کہ ای دا بابت نیب انا افسر تون ہیت کتنٹ‘ عمران خان نا برخلاف درزن نا کچ مقدمہ غاک ءُ‘ اودے القادر ٹرسٹ کیس اٹ دزگیر کننگانے‘ دا پیسہ غاتے قومی خزانہ ٹی پدی بروئی ئس، شہزاد اکبر باندات نا نیام اٹ بس‘ باندات آک پک کننگار، 7ارب نا پراپرٹی اسے،2ارب روپئی شہزاد اکبر پین ہلک، قومی خزانہ ءِ 60 ارب نا نسخان ترسا 6 ارب نا پراپرٹی ءِ تینا پن آ کننگا‘ ہراتم نواز شریف نا برخلاف دروغ نا مقدمہ جوڑ کننگاکہ ہمو وخت آ دادزی کریرہ۔ اسلام آباد اٹ عمران خان نا دزگیری آن پد پریس کانفرنس آن تران کرسا رانا ثناء اللہ پارے کہ عمران خان نا برخلاف درزن نا کچ مقدمہ غاک ءُ‘ عمران خان ءِ القادر ٹرسٹ کیس اٹ دزگیر کننگانے‘ نیب اتون عمران خان نا برخلاف کرپشن کیس تے ٹی جاست پاست مننگ اٹی ءِ‘ کانود نا رد اٹ 60ارب پاکستان نا امانت ئسر‘ برطانیہ نا حکومت پاکستان حکومت تون رابطہ کرے‘ برطانوی حکومت دا پیسہ غاتے پدی تننگ نا بابت ہیت کرے۔ شہزاد اکبر نیام اٹ بس و اسہ سودا اس کننگا۔ اوپارے کہ 240کینال ڈغار بنی گالہ ٹی ہم القادر ٹرسٹ نا پن آ رجسٹرڈ مس‘عمران خان و اونا اُرائی دانا ٹرسٹیک ءُ‘دا میرات نا نہاد پنچ آن ہفت ارب نا کچ آٹے‘ اِرا ارب روپئی شہزاد اکبر دا سودا ٹی ہلکوسس‘ کل پراپرٹی تا سرجم تے میڈیا ءِ پیش کننگاسس۔ عمران نیازی ءِ چیلنج کننگا کہ القادر ٹرسٹ نا بابت حساب ایت‘ 240فرحت شہزادی ناپن آ رجسٹر ءُ‘ شہزاد اکبر اِرا ارب روپئی جتا ہلسا اینو دبئی و لندن اٹ عیاشی کننگ اٹی ءِ‘ است ہسونی نا ہیت دادے کہ سپریم کورٹ دانا نوٹس ءِ ہلتو‘ برطانیہ غان پیسہ غاتا بابت کس ہم سوج کتو‘ سودا غان پد القادر ٹرسٹ کننگا۔ عمران خان کرپشن ءِ ڈکنگ کن القادر ٹرسٹ جوڑ کرے‘ ہرا وخت آ عمران خان تینٹ کرپشن کریکہ ہمو وخت آ مخالف آتے دزگیر کریکہ۔ وزیرداخلہ پارے کہ پیسہ غاتے قومی خزانہ ٹی اتنگ نا جاگہ غا سپریم کورٹ نا اکاؤنٹ اٹ ایڈجسٹ کرفنگا‘ دانا ہم سپریم کورٹ نوٹس ہلتو‘ پیشن ملک آن پیسہ غاک سپریم کورٹ نا اکاؤنٹ اٹ ہراکان بسر‘ پی ٹی آئی ءِ چیلنج کیوہ او القادر ٹرسٹ کیس ءِ دروغ پک کیر‘ عمران خان ءِ ہراتم دزگیر کننگا تو مزاحمت کننگا‘ وکیل آک جوان کتوس بایدے او کانود آن چَپ ہنپروسر‘پی
(آن لائن)