سپریم کورٹ پریکٹس اینڈ پروسیجر بل پارلیمنٹ نا اسیجائی دیوان آن منظور

اسلام آباد: اسپیکر قومی اسمبلی راجا پرویز اشرف نا کماشی ٹی اڈ ہلوک پارلیمنٹ نا اسیجائی دیوان اٹ وزیرکانود سینیٹر اعظم نذیر تارڑ سپریم کورٹ پریکٹس اینڈ پروسیجر بل ءِ منظوری کن پیش کرے‘ داوخت آ پی ٹی آئی نا سینیٹر آک اسپیکر قومی اسمبلی نا ڈائس نا مون آ برانز کریر و نعرہ ہم خلکر۔ پی ٹی آئی نا سینیٹر آک بل انا کاپی تے ارسا اسپیکر نا ڈائس نا کنڈآ چغل تسر۔ دا وخت آ تینا خیال آتا درشانی ءِ کرسا وزیرکانودپارے کہ سپریم کورٹ پریکٹس اینڈ پروسیجر بل ءِ منظوری کن صدر مملکت آراہی کننگاسس‘ صدر بل ءِ پدی راہی کرے‘ صدر مملکت قومی اسمبلی و سینیٹ آن پاس مروک بل ءِ پدی راہی کرینے‘ ہڑتوم آ ایوانک دابل آ شرہ کریسر۔ اعظم نذیر تارڑ پارے کہ صدر مملکت تینا چٹھی ٹی سوج چست کرینے‘ صدر ہرا سوج آتے کرینے او جوان افس‘ صدر ءِ سلاہ ایتنہ کہ او ریاست نا سروک آنبار کاریم کے تینا جماعت نا کارندہ غانبار کاریم کپ۔

(آن لائن)