کورونا نا زہمی تا رکھ اکن اسیجائی وڑ اس سجفوئی تمک، عمران خان

اسلام آباد (اے پی پی) وزیراعظم عمران خان پارینے کہ کورونا غان راج انا نزور و مزارکار تپہ غٹ آن زیات زہمی مس، اوفتا رکھ اکن اسیجائی حکمت عملی اس جوڑ کروئی مریک، پاکستان کرفیو و پورو لاک ڈاون نا جاگہ غا سمارٹ لاک ڈاون نا وڑوڈول ءِ دوئی کرے و تعمیرات و کشاری بشخ آتے ملا، غیر رسمی زرگزران تون وابستہ مزارکار تپہ غاتے نغد امداد فراوان کرے، بھلو کچ اسے ٹی ننا ورکرآک ایلو ملک آتیٹی کاریم کیرہ و درملکی زرمبادلہ کٹیا کیرہ، ننے بھلا ملک آتے دا ویل آ قائل کروئی مریک کہ او مزارکار تپہ تون ہمدردانہ رویہ دوئی کیر۔ داخیال آتا درشانی ءِ او انٹرنیشنل لیبر آرگنائزیشن (آئی ایل او) نا کنڈآن پنچ دے ئی جہانی کانفرنس آن ویڈیو کانفرنس نا کمک اٹ تران کرسا کرے۔