اقلیت آتا ننا ملک اٹ بے رکھ مننگ شکی گری اسے، خواجہ آصف
Get real time updates directly on you device, subscribe now.
اسلام آباد (آن لائن) پاکستان مسلم لیگ ن نا بنجائی راہشون و مسکوہی بنجائی وزیر و قومی اسمبلی نا باسک خواجہ آصف پارینے کہ ہندوستان و کشمیر اٹ مسلمان تیا تدوک آ سال اسے آن بھاز بیدادی مننگ ءِ۔ ننا ملک اٹ اقلیت آتا برخلاف سوشل میڈیا آ مہم چلیفنگ انگ ءِ، اقلیت آتا ننا ملک اٹ بے رکھ مننگ شکی گری اسے۔ دا ننے آ فرض ءِ کہ نن اقلیت آتا عبادت گاہ تا رکھ ءِ کین۔ دا خیال آتا درشانی ءِ او تدوک آ دے قومی اسمبلی نا دیوان اٹ ہیت وگپ کرسا کرے او پارینے کہ مسلمان تا حکومت نا 1400 سال نا تاریخ اٹ اقلیت آک ہچ ءُ وخت اس بے رکھ متنو۔ پاکستان اٹ 60 انا دہائی ٹی سگنگ و اُست خواہی ئس۔ ای امریکہ ٹی عئید انا نماز ءِ اسہ گرجا سے ٹی ادا کریسُٹ۔ ہچ ءُ مذہب اسے پین مذہب اسے آ فوقیت اف۔ داڑے قائداعظم ءِ کافر اعظم پاننگاسُس، بانی پاکستان نا برخلاف تحریک چلیفنگا۔