صوبہ غاتے ٹی برجا و پوسکن ڈٹ آتیکن 167 ارب روپئی جتا

اسلام آباد : بروک آ مالی سال 2023-24کن سرکاری بشخ انا شونداری پروگرام اٹی صوبہ و خصوصی علاقہ غاتیٹی برجا وپوسکن آ ڈٹ آتیکن 167 ارب 90 کروڑ روپئی جتا کننگانے۔ جمعہ نادے آ جاری سرکاری بشخ انا شونداری پروگرام (پی ایس ڈی پی) نا رداٹ صوبہ پنجاب اٹی 16 برجا و 2 پوسکن آ ڈٹ آتیکن 9ارب 11 کروڑ 33 لکھ روپئی آن زیات جتا کننگانے۔ صوبہ سندھ اٹی 3 برجا و 8 پوسکن آ ڈٹ آتیکن 21 ارب 10 کروڑ روپئی جتا کننگانے، خیبرپختونخوا ٹی 8 برجا و اسہ پوسکن آ ڈٹ آتیکن 3 ارب 68 کروڑ 45 لکھ روپئی آن زیات، بلوچستان اٹی 25 برجا و 7 پوسکن آ ڈٹ آتیکن 50 ارب روپئی جتا کننگانے۔ داکان بیدس اوار مروک ضلع غاتا اِرا ڈٹ آتیکن 57 ارب روپئی جتا کننگانے، آزاد کشمیر اٹی اسہ پوسکن و 8 برجاڈٹ آ و بلاک ایلوکیشن نا مد اٹی 32 ارب 35 کروڑ وخت اس کہ گلگت بلتستان کن 28 ارب 45 کروڑ روپئی جتا کننگانے، گلگت بلتستان اٹی ریجنل گرڈ نا جوڑ کننگ کن اسہ ارب روپئی، بین الصوبائی رابطہ اقتصادی راہداری کن 80 کروڑ روپئی جتا کننگانے، ہنزہ ٹی گریٹر واٹر سپلائی کن 20 کروڑ روپئی و چلاس اٹی زچہ و بچہ ہسپتال کن 50 کروڑ روپئی جتا کننگانے۔ آزاد کشمیر اٹی رٹھوعہ ہریام پول اکن اسہ ارب روپئی جتا کننگانے، پنجاب اٹی للہ انٹرچینج ءِ دورویہ کننگ نا ڈٹ آتیکن اسہ ارب 80 کروڑ روپئی جتا کننگانے۔ سیالکوٹ کینٹ آن جیسر گریژن اسکان 69 کلومیٹر سٹرک نا کشادگی و گچینی کن 2 ارب 80 کروڑ روپئی جتا کننگانے، سیالکوٹ ایمن آباد روڈ آن کامونکی موٹروے لنک اسکان سڑک ءِ دورویہ جوڑ کننگ کن اسہ ارب روپئی جتا کننگانے۔ صوبہ سندھ اٹی انڈسٹریل اسٹیٹ کراچی نا شاہراہ تا تفنگ و بحالی کن 2 ارب 50 کروڑ، روہڑی آن گدو بیراج اسکان سڑک نا گچینی کن 4 ارب روپئی، ٹنڈوالہ یار آن ٹنڈو آدم اسکان سڑک ءِ دورویہ کننگ کن 2 ارب روپئی، نوابشاہ آن رانی پور اسکان مہران ہائی وے اتون ودکی کیرج وے نا تفنگ کن 4 ارب روپئی، سانگھڑ آن نیشنل ہائی وے این 5 سڑک نا گچینی کن 3 ارب روپئی، سندھ کوسٹل ہائی وے نا تفنگ و ودکی کن 2 ارب روپئی، کراچی اربن انفراسٹرکچر ڈویلپمنٹ پیکج کن 2 ارب روپئی وخت اس کہ حیدر آباد اربن انفراسٹرکچر ڈویلپمنٹ پیکج کن 10 ارب روپئی جتا کننگانے۔ کوئٹہ شار اٹی ٹریفک نا بہاؤ ءِ کم کننگ کن چندی فلائی اوورز آتا تفنگ کن اسہ ارب روپئی، پنجگور آواران سٹرک نا تفنگ کن 2 ارب 70 کروڑ روپئی، لورالائی قلعہ سیف اللہ غان خانوزئی کراس اسکان سڑک نا گچینی و کشادگی کن اسہ ارب روپئی وخت اس کہ خانی کراس آن زیارت اسکان سڑک نا پوسکن تفنگ، کشادگی و گچینی کن اسہ ارب روپئی جتا کننگانے۔

(اے پی پی)