انسانی حق ڈویژن نا ڈٹ آتیا 814 ملین روپئی خڑچ کننگک
ڈائریکٹوریٹ جنرل آف اسپیشل ایجوکیشن اٹی پلاننگ اینڈ مانیٹرنگ یونٹ نا جوڑ کننگ کن 5 ملین روپئی تخنگانے
اسلام آباد : بنجائی حکومت بروک آ مالی سال 2023-24نا سرکاری بشخ انا شونداری پروگرام (پی ایس ڈی پی) نا رداٹ انسانی حق ڈویژن نا 12 برجا و 3 پوسکن آڈٹ آتیکن کل 814 ملین روپئی جتا کننگانے۔ جمعہ نادے آ جاری کروک آ سرکاری بشخ انا شونداری پروگرام نا رداٹ حکومت وزارت انسانی حق انا برجاشونداری ڈٹ آتیکن جم وڑاٹ 184.295 ملین روپئی جتا کننگ نا سلاہ تسنے ہرانا رداٹ انسانی حق انفارمیشن مینجمنٹ سسٹم (ایچ آر آئی ایم ایس) کن 18 ملین روپئی، وزارت انسانی حق اٹی پی ایم یو نا جوڑ کننگ کن 23 ملین روپئی، ڈائریکٹوریٹ جنرل آف اسپیشل ایجوکیشن اٹی پلاننگ اینڈ مانیٹرنگ یونٹ نا جوڑ کننگ کن 5 ملین روپئی، خیبرپختونخوا ٹی اوار مروک ضلع غاتیٹی انسانی حق انا غٹ آفیس آتا جوڑ کننگ کن 19 ملین روپئی، انسانی حق آگاہی پروگرام کن 18 ملین روپئی، انسانی حق کوآرڈی نیشن اینڈ مانیٹرنگ یونٹ کن 19 ملین روپئی، انسانی حق ایکشن پلان آ عملدرآمد کن 8.795 ملین روپئی، وزارت انسانی حق انا ادارہ جاتی سوگوی کن 31 ملین روپئی، اسلام آباد اٹی ٹرانس جینڈر پروٹیکشن سینٹر نا پائلٹ پروگرام نا جوڑ کننگ کن 15 ملین روپئی، اسلام آبا د نا نجی و سرکاری اسکول آتیٹی خصوصی چناتا تعلیم نا پائلٹ پروگرام کن 10 ملین روپئی، اسلام آباد اٹی کثیر النوع معذور بندغ آتیکن سینٹر نا تفنگ نا پی سی ٹو انا فزیبلٹی سٹڈی کن 7.500 ملین روپئی وخت اس کہ اسلام آباد نا ایچ۔9سیکٹر اٹی چائلڈ پروٹیکشن انسٹیٹیوٹ نا جوڑ کننگ کن ڈغار نا دوئی کننگ، فزیبلٹی اسٹڈی، ڈیزائن، باؤنڈری وال انا تفنگ کن 10 ملین روپئی جتا کننگ نا سلاہ پیش کننگانے۔
(اے پی پی)