بجٹ اٹ السی ریلیف و سرکاری ملازم آتیکن مستائی ارے، مریم اورنگزیب

اسلام آباد : بنجائی وزیر حوالکاری و شینکاری مریم اورنگزیب پارینے کہ بروک آ مالی سال انا بجٹ اٹی السی ریلیف و سرکاری ملازم آتیکن مستائی تون اوار اوار ورناتیکن آئی ٹی، کشت و کشار، بزنس، ایکسپورٹ، و فوڈ سیکورٹی نا بشخ آتیٹی بھلو ریلیف اس ملک۔ جمعہ نادے آ پارلیمنٹ ہاؤس نا پیشن صحافی تتون غیر رسمی گپ وتران کرسا بنجائی وزیر حوالکاری و شینکاری مریم اورنگزیب پارے کہ داہمو حکومت ءِ ہرا بیرہ الس نا ریلیف و شونداری نا سجفک، بدحالی آن شونہالی و بحالی نا سفر مریک۔ اوپارے کہ الس خنک کہ تدوک آ چار سال انا بدحالی نا سفر امر زرگزرانی سوگوی و شونداری ٹی بدل مریک۔ اوپارے ک تدوک آ بجٹ اٹی نن ہرا سمت ءِ ترتیب تسوسن، اسہ فتنہ اس اوڑا ہم جلہو نا کوشست کرے ولے او بے سہب مس۔ اوپارے کہ بجٹ اٹی السی ریلیف و سرکاری ملازم آتیکن مستائی تون اوار اوار ورناتیکن آئی ٹی بشخ، کشت وکشار، بزنس مین، ایکسپورٹ و فوڈ سیکورٹی نا بشخ اٹی بھلو ریلیف اس ملک۔ اوپارے کہ چار سال انا نابودی، دُزی، کرپشن و زرگزران نا بھسکاری نا سوب آن مایوسی تالان مس، 2013 ٹی ہراوڑ زرگزران راست کسر شاغاسن ہمو سمت انا تعین نا کوشست اسے۔

(اے پی پی)