وزارت بین الصوبائی رابطہ نا 14 برجا و 3 پوسکن آ ڈٹ آتیکن اسہ ارب 90 کروڑ روپئی جتا
Get real time updates directly on you device, subscribe now.
اسلام آباد: بروک آ مالی سال 2023-24کن سرکاری بشخ انا شونداری پروگرام اٹی وزارت بین الصوبائی رابطہ نا 14 برجا و 3 پوسکن آ ڈٹ آتیکن اسہ ارب 90 کروڑ روپئی جتا کننگانے۔ جمعہ نادے آ جاری سرکاری بشخ انا شونداری پروگرام (پی ایس ڈی پی) نا رداٹ وزارت نا 14 برجا ڈٹ آتیکن اسہ ارب 70 کروڑ روپئی وخت اس کہ 3 پوسکن آ ڈٹ آتیکن 20 کروڑ روپئی جتا کننگانے۔ اسلام آباد اٹی ساؤتھ ایشین گیمز 2021-22نا اڈتننگ کن پاکستان اسپورٹس کمپلیکس نا اپ گریڈیشن و بحالی کن 61 کروڑ 17 لکھ روپئی، اسلام آباد، فیصل آباد، واہ کینٹ، پشاور، کوئٹہ، مظفرآباد وسوات اٹی ہاکی ٹرف انا بدلی کن 25 کروڑ روپئی، میگاایونٹ آتیٹی بشخ ہلنگ کن فارن کوچزنا خذمت دوئی کننگ و ازباب آتا ہلنگ کن 10 کروڑ روپئی، پاکستان سپورٹس کمپلیکس اٹی بائیو مکینیکل لیب انا جوڑ کننگ کن 12 کروڑ روپئی و اسپورٹس کمپلیکس اٹی شاہراہ، فٹ پاتھ، مین گیٹ و سیکورٹ سسٹم نا بحالی و تفنگ کن 10 کروڑ 35 لکھ روپئی جتا کننگانے، قومی گوازی تا اڈتنننگ کن 15 کروڑ روپئی جتا کننگانے۔
(اے پی پی)