نڈکلنیشنل ہیریٹیج ایچر ڈویژن نا 8 برجا و اسہ پوسکن ءُ ڈٹ اسے کن 540 ملین روپئی جتا
Get real time updates directly on you device, subscribe now.
اسلام آباد : بروک آ مالی سال اکن سرکاری بشخ انا شونداری پروگرام نا رداٹ نیشنل ہریٹیج اینڈ کلچر ڈویژن نا 8 برجا و اسہ پوسکن ءُ ڈٹ اسے کن جم وڑاٹ 540 ملین روپئی جتا کرینے۔ جمعہ نادے آ پی ایس ڈی پی 2023-24نارداٹ برجاڈٹ آتیٹی نیشنل لائبریری آف پاکستان اسلام آبا د نا تزئین و آرائش کن 94.500 ملین روپئی، نیشنل لینگویج پروسیسنگ لیبارٹری (این ایل پی ڈی) نا جوڑ کننگ کن 16.755 ملین روپئی، روات قلعہ نا بحالی، رکھ اکن 20.327 ملین روپئی،لاہور اٹی واقعہ علامہ محمد اقبال ناہنکین ءِ رکھ کننگ کن 18.518 ملین روپئی، دودرربیدگی میرات نا کمک اٹ پاکستان نا مثبت تشخص نا مون آ دننگ کن ڈیپارٹمنٹ آف آرکیالوجی اینڈ میوزیم اٹی ریسرچ اینڈ ڈویلپمنٹ سینٹر نا جوڑ کننگ کن 15 ملین روپئی ہندا وڑ ایلو مسہ برجاڈٹ آتیکن ہم خاطر خواہ زر جتا کرینے۔ پی ایس ڈی پی نا رداٹ فیض احمد فیض کمپلیکس نا تفنگ نا اسہ پوسکن ءُ ڈٹ اسے کن 350 ملین روپئی جتا کرینے۔
(اے پی پی)