اومیت ءِ پرہ ارے(نظم)۔

اومیت ءِ پرہ ارے، اومیت پرہ والا گڑا سے

او ہروہ ٹی رہینگک،

او شئیر خلیک بیدس توار آن

او ہچ سلپک مدام شئیر خلیک

او سخت انگا طوفان اٹی خوش ءِ کوکار اٹ تینا توار ءِ بنفک

او ڈکھیائی تو مرو کہ دا طوفان

چنکا چک ءِ فریشان کے،گنوک کے،

کہ او تخانے بھاز بندغ آتے پر جوش و باسن

ای دادے بنگنٹ یخ انگا ڈغار آ

او عجیب انگا سوردریاب آ،

ولدا ہم سختی نا وخت آ

کنے آن ارغ نا اسہ چورک اس ہم خواتو۔

خلاصہ:۔

ایملی ڈکنسن اسہ امریکی شاعر ا سے، او اومیت ءِ اسہ چک اسے نا دروشم اٹ بیان کیک۔ او پاہک کہ اومیت ءِ پرہ ارے و دا مدام انسان نا جون اٹی رہینگک، انسان کہ ارے اومیت نا زی آ زندہ ءِ، یعنی چک امر تینا چنکا خلکن انگا پرہ غاتیٹ چاگڑد اٹی بال کیک، و چڑہ شئیر خلیک ہچ بس کپک۔ اگہ اسہ انسان اس اسہ گڑا سے کن یا دا پاہک کہ ای کاو، اسہ بھلو جاگہ اسے آ سر مریو گڑا اونا کسر آ بھلو جر بوچ پت کوٹور مش بریک ولے اودے دا کل ڈکھیائی تے سگوئی ءِ، تانکہ او تینا ہمو مسخت آ سر مرے۔ شاعر پاہک کہ انسان نا زی آ امر ءُ سختی سوری اس برے ولے اودے دافتیان ایپار مروئی ءِ، او پاہک کے بھاز سخت ءُ طوفان ارے او بریرہ چک انا پرہ غاتے کشکرہ، یعنی انسان اگہ ہر گڑا نا اومیت ءِ تینا است اٹی تخک گڑا اودے دا طوفان تے سگوئی ءِ۔ شاعر مونی ہیت کرسا دا پاہک کہ انسان دا یخ انگا ڈغار آ و عجیب انگا سوردریاب نا زی آ وڑ وڑ ءُ گڑا خنانے۔ انسان اخس اومیت کے ولے اومیت دا کل آتا بدل اٹی انسان آن ارغ نا اسہ چنکو چورک اس ہم خواپک۔ شاعر پاہک کہ انسان نا زی آ جوان و خراب ءُ وخت بریک ولے اودے دا کل ڈکھیائی تیا چکار کروئی اف تینا مزل کن جہد کروئی ءِ، کہ او تینا مزل ءِ سر مرے۔ اومیت انسان ءِ اونا مزل آ سر کیک۔ اگہ اومیت مفروسس گڑا انسان ہم ہچ کننگ کتوکہ۔

ہفتئی تلار
تاک: 10
12-06 فروری 2021ء
پنہ: 06